രാജസ്ഥാനിലെ രന്തംബോര്‍ നാഷണല്‍ പാര്‍ക്കിലെ കടുവാ സഹോദരന്മാരുടെ പോരാട്ടമാണ് ഇപ്പോള്‍ സോഷ്യല്‍ മീഡിയയില്‍ തരംഗമായിരിക്കുന്നത്. ഐ.എഫ്.എസ് ഓഫീസര്‍ ആയ പ്രവീണ്‍ കസ്വാന്‍ ട്വീറ്റ് ചെയ്ത വീഡിയോ ഇതിനോടകം നിരവധി ആളുകളാണ് റീട്വീറ്റ് ചെയ്തത്. ഒരു പെണ്‍കടുവയുടെ ഇഷ്ടംപിടിച്ചു പറ്റാനായിരുന്നു ഈ പോരാട്ടം. അങ്ങേയറ്റം അക്രമാസക്തവും ക്രൂരവുമായ ഏറ്റുമുട്ടല്‍ എന്നാണ് ഓഫീസര്‍ ഇതിനെ വിശേഷിപ്പിച്ചിരിക്കുന്നത്.
ശാര്‍മിളി എന്ന കടുവയുടെ മക്കളായ കടുവ സഹോദരങ്ങളാണ് ഒരു പെണ്‍ കടുവയ്ക്കു വേണ്ടി പരസ്പരം ഏറ്റുമുട്ടിയത്. പാര്‍ക്കിലെ ടി57 നമ്പറിലുള്ള സിംഗ്സ്ത്, ടി58 നമ്പറിലുള്ള റോക്കി എന്നിവര്‍ തമ്മില്‍ ടി39 നമ്പരുകാരി നൂറിനു വേണ്ടിയായിരുന്നു പോരാട്ടം. കടുവകളില്‍ ഒരെണ്ണം പതുങ്ങിവന്ന് ആക്രമണം തുടങ്ങുകയായിരുന്നു. പിന്നീട് മിനിറ്റുകള്‍ നീണ്ടുനില്‍ക്കുന്ന പോരാട്ടം. അടി തുടങ്ങിയതോടെ രംഗം പന്തിയല്ലെന്നു കണ്ട നൂര്‍ സ്ഥലത്തുനിന്ന് നൈസായി മുങ്ങി.
ഏറ്റുമുട്ടലില്‍ രണ്ടു പേര്‍ക്കും കാര്യമായ പരിക്കൊന്നുമില്ലെന്ന് പ്രവീണ്‍ കസ്വാന്‍ ഐ.എഫ്.എസ് പറയുന്നു. വീഡിയോ കണ്ട എല്ലാവര്‍ക്കും അറിയേണ്ടത് ആരാണ് ജയിച്ചതെന്നായിരുന്നു. ടി57 നമ്പരുകാരന്‍ സിംഗ്സ്ത് ആണ് ജയിച്ചതെന്ന് അന്വേഷണങ്ങള്‍ക്ക് മറുപടിയായി ഉദ്യോഗസ്ഥന്‍ വ്യക്തമാക്കുന്നു. എന്തായാലും പെണ്ണിനു വേണ്ടിയുള്ള പോരാട്ടം മനുഷ്യരേക്കാള്‍ ശക്തമാണ് മൃഗങ്ങളില്‍ എന്നു തെളിയിക്കുകയാണ് ഈ കടുവകള്‍.
That is how a fight between #tigers looks like. Brutal and violent. They are territorial animals & protect their sphere. Here two brothers from #Ranthambore are fighting as forwarded. (T57, T58). pic.twitter.com/wehHWgIIHC
— Parveen Kaswan, IFS (@ParveenKaswan) October 16, 2019
